"Mən YAP-dakı vəzifəmdən getmək istəyirəm, amma YAP qoymur" - Tağı Əhmədov

"Mən YAP-dakı vəzifəmdən getmək istəyirəm, amma YAP qoymur" -

Xəbər verdiyimiz kimi, Yeni Azərbaycan Partiyası Bakı şəhəri üzrə rayon təşkilatlarının hesabat yığıncağına videoformatda start verilib.

Unikal.org-un əldə etdiyi məlumata görə, növbəti iclas bu gün YAP Yasamal rayon təşkilatında baş tutacaq.

Belə ki, YAP Yasamal rayon təşkilatının hesabat konfransında 73 yaşlı Tağı Əhmədovun sədr vəzifəsindən gedəcəyi gözlənilir.

Məsələ ilə bağlı Tağı Əhmədov Unikal.org-a açıqlama verib: "Bu gün YAP-ın hesabat konfransı olacaq. Mən YAP-dakı vəzifəmdən getmək istəyirəm. Amma YAP qoymur. Əslində, YAP-dan gedənlərin ikinci vəzifəsi var deyə, sədr vəzifəsindən kənarlaşdırılırlar".